সমালোচক সকলে অপ্ৰাসংগিকভাবে দাঙি ধৰা এটা শ্লোক (আয়াত)

কোৰআনত অমুছলিমক হত্যা কৰিব কোৱা হৈছে নেকি?

          সমালোচক সকলে সঘনাই ইচলামক বদনাম কৰিবলৈ কোৰআনৰ কিছুমান শ্লোক অপ্ৰাসংগিকভাবে দাঙি ধৰে। আৰু তাৰ ভিতৰত অন্যতম হৈছে চুৰা তৌবা অধ্যায় নং ৯ শ্লোক নং ৫ । তাত কোৱা হৈছে "যতে অমুছলমানক পাবা তাতে সিহঁতক হত্যা কৰিবা"। আৰু সঁচাকৈ যদি আপুনি কোৰআনখন মেলি চায় এই শ্লোকটো দেখা পাব। কিন্তু এই শ্লোকটো অপ্ৰাসংগিক আৰু বিভ্ৰান্তিমূলক ভাবে উপস্থাপন কৰা হৈছে। কাৰণ এই শ্লোকটো সম্পূৰ্ণ শ্লোক নহয় ইয়াৰ লগত অন্যান্য আগৰ আৰু পিছৰ শ্লোকসমূহ জড়িত হৈ আছে। উদাহৰণস্বৰুপে 

"কোৰআনত আছে নামাজ নপঢ়িবা"(অধ্যায় নং-4 ,শ্লোক নং-43 )। কোনোবাই অকল সেই শ্লোকটো দি ক'ব পাৰে যে কোৰআনত নামাজ নপঢ়িবা বুলি লিখা আছে। কিন্তু শ্লোকটো সম্পূৰ্ণ হ'ব তেতিয়া যেতিয়া এইদৰে গোটেইখিনি উল্লেখ কৰা হ'ব "নামাজ নপঢ়িবা,যেতিয়া তুমি নিচাসক্ত অৱস্থাত থাকা"।

         এতিয়া আমি উল্লেখ কৰা বিতৰ্কিত শ্লোকটো লৈ আহো য'ত পূৰ্ব আৰু পাছত উল্লেখ কৰা শ্লোকসমূহৰ মাজত ইয়াৰ সংগতি আছে। এই প্ৰসংগটো আৰম্ভ হৈছে পূৰ্বৰ শ্লোক নং ১ৰ পৰা য'ত উল্লেখ আছে সেইসময়ত মুছলমান আৰু অমুছলমান সকলৰ মাজত এখন শান্তি চুক্তি হৈছিল। আৰু এই শান্তি চুক্তিখন সেইসময়ৰ আৰবৰ অমুছলমানসকলে ভংগ কৰিছিল। আৰু তাৰ ক্ষতিপূৰণ কৰিবলৈ অমুছলমানসকলক চাৰি মাহৰ সময় দিয়া হয় অন্যথা তেঁওলোকৰ বিৰুদ্ধে যুদ্ধ ঘোষণা কৰা হ'ব। আৰু যুদ্ধক্ষেত্ৰত ভয় নাখাবলৈ আল্লাহে মুছলমানসকলক আদেশ দিছে লগতে কৈছে যুদ্ধক্ষেত্ৰত য'তেই শক্ৰ (যিসকল অমুছলমানে শান্তি চুক্তি ভংগ কৰিছিল)ক পোৱা তাতেই হত্যা কৰা। এতিয়া মই যদি উদাহৰণ হিচাপে কও এখন যুদ্ধত এজন আৰ্মি জেনেৰেলে উৎসাহ বঢ়াবলৈ কয় যতে শক্ৰ পোৱা তাতেই হত্যা কৰা, তাৰ মানে এইটো নহয় যে যুদ্ধ শেষ হোৱাৰ পাছতো যেতিয়াই শক্ৰুক লগ পোৱা তেতিয়াই হত্যা কৰা। ইয়াৰ উপৰিও আৰ্মি জেনেৰেলে তেঁওৰ নিজৰ সৈন্যক কেতিয়াও নকয় যে শক্ৰৰ হাতত গৈ তুমি মৃত্যু হোৱা। গতিকে কোৰআনত যিটো শ্লোক উল্লেখ কৰা হৈছে সেইয়া যুদ্ধৰ প্ৰসংগত হে উল্লেখ কৰা হৈছে।
       অৰুণ শ্বোৰী নামৰ সমালোচক জনে তেঁওৰ কিতাপ "ৱৰ্ল্ড অৱ ফাতৱাছ"ত ওপৰত উল্লেখ কৰা চুৰা তৌবা অধ্যায় নং ৯ শ্লোক নং ৫ টো উল্লেখ কৰিছে আৰু এই শ্লোকটো উল্লেখ কৰিয়েই তেঁও শ্লোক নং ৬ উল্লেখ নকৰি শ্লোক নং ৭ লৈ জাপি মাৰিছে কাৰণ তেঁও জানে শ্লোক নং ৬ ত তেঁও কোৰআনৰ বিপক্ষে যি অভিযোগ আনিছিল তাৰ উত্তৰ আছে। অধ্যায় নং ৯ শ্লোক নং ৬ ত কোৱা হৈছে যদি কোনো অমুছলমানে তোমাৰ আশ্ৰয় বিচাৰে তেন্তে সিঁহতক অকল আশ্ৰয় দিয়াই নহয় যি ঠাইত সিঁহত নিৰাপদ তালৈ সুৰক্ষা সহকাৰে তালৈ পঠিয়াই দিয়া। এতিয়া সমসাময়িক কালছোৱাত, যদি শক্ৰপক্ষৰ কোনোবাই শান্তি বিচাৰি যুদ্ধক্ষেত্ৰত আত্মসমৰ্পন কৰে তেন্তে কোন আৰ্মি জেনেৰেলে তেঁওৰ সৈন্যবাহিনীক ক'ব যে যদি কোনো শক্ৰয়ে শান্তি বিচাৰে তেন্তে সিঁহতক অকল এৰি দিয়াই নহয় যি ঠাইত সিঁহত নিৰাপদ তালৈ সুৰক্ষা সহকাৰে তালৈ পঠিয়াই দিয়া ?
          কিন্তু ইয়াৰ উদাহৰণ পৰম কৰুণাময় আল্লাহেই মুছলমানক দিছে। গতিকে কোৰআনত অমুছলমানক হত্যা কৰিব কোৱা কথাষাৰ বিভ্ৰান্তিমূলক তথা মিছা।
((জাকিৰ নাইকৰ প্ৰশ্নোত্তৰৰ আধাৰত ৰচিত আৰু কিছু আমাৰ সংযোজন))

 ✏ Arif Hussain

 ✏ Assamese Muslim Page