‼ ইছলাম তৰোৱালৰ মাধ্যমেৰে প্রসাৰিত হৈছে ? ‼

প্রশ্নঃ ইছলামক কেনেকৈ শান্তিৰ ধর্ম ক'ব পাৰা যাব যি প্রচাৰ ও প্রসাৰ হৈছে তৰোৱালৰ মাধ্যমেৰে?

উত্তৰঃ
⬇

কিছুসংখ্যক অমুছলিমৰ এইটো এটা সাধাৰণ অভিযোগ যে, গোটেই বিশ্বত ইছলামে ইমান কৌটি কৌটি অনুগামী পাব নোৱাৰিলেহেঁতেন, যদি সেইয়া- শক্তি প্রয়োগত বা তৰোৱালৰ দ্বাৰা প্রসাৰিত নহলেহেঁতেন। নিম্ন বর্ণিত বিষয়সমূহে পৰিষ্কাৰ কৰি দিব যে ইছলাম তৰোৱালৰ মাধ্যমে প্রচাৰ হোৱা অভিযোগটো মিছাঁ অভিযোগ। এইটো আছিল সত্য সহজাত শক্তি, সঙ্গত কাৰণ ও মানৱ প্রকৃতি সম্মত যৌক্তিকতা যি বহন কৰিছে এক দ্রুত ইছলামৰ প্রচাৰ ও প্রসাৰৰ বাহন হিচাপে।

ক. ইছলাম মানে শান্তিঃ

ইছলাম আহিছে মূল শব্দ ‘ছালাম’ৰ পৰা। যাৰ অর্থ শান্তি। ইয়াৰ আৰু এটা অর্থ হ'ল নিজৰ সম্পূর্ণ ইচ্ছা-শক্তিক আল্লাহৰ প্রতি সমর্পিত কৰা। এনেকৈ ইছলাম এটি শান্তিৰ ধর্ম, যি অর্জন কৰা যায় সৃষ্টিকর্তা বিধাতা প্রতিপালক আল্লাহ তা’আলাৰ ইচ্ছাৰ ওচৰত নিজৰ ইচ্ছাক আন্তৰিক নিষ্ঠাৰ লগত সমর্পিত কৰি দিলে।

খ. শান্তি বজায় ৰাখিবলৈ কেতিয়াবা কেতিয়াবা শক্তি প্রয়োগ কৰিব লগা হয়ঃ

পৃথিৱীৰ প্রতিজন মানুহ শান্তি-শৃঙ্খলা বজায় ৰখাৰ অনুকুলত নহয়। আনকি অসংখ্য মানুহ আছে যিসঁকলে সিহঁতৰ নিজৰ হীন স্বার্থ চৰিতার্থ কৰাৰ বাবে ইয়াৰ বিঘ্ন ঘটায়। এইবিলাক ক্ষেত্রত শান্তি-শৃঙ্খলা বজায় ৰাখিবৰ বাবে শক্তি ব্যৱহাৰ অপৰিহার্য হৈ পৰে। পৃথিৱীৰ প্রতিটো সভ্য দেশত অপৰাধী ও সমাজ বিৰোধদক দমন কৰাৰ বাবে সুনর্দিষ্ট আইন-শৃঙ্খলা ৰক্ষাকাৰী সুসজ্জিত বাহিনী আছে। যিসকলক আমি ‘পুলিচ’ বুলো। ইছলাম শান্তিৰ প্রৱর্তক, একেই লগে লগে তাৰ অনুগামীসকলক উদ্বুদ্ধ কৰে অত্যাচাৰ ও নিপীড়নৰ বিৰুদ্ধে প্রতিবাদ কৰিবলৈ। অত্যাচাৰীসকলৰ বিৰুদ্ধে প্রতিবাদ কৰিবলৈ কোনো কোনো সময়ত শক্তিৰ প্রয়োগ অপৰিহার্য হৈ ওঠে। ইছলাম কেৱল মাত্র মানুহৰ সমাজত শান্তি শৃঙ্খলা ৰক্ষা আৰু ভাৰসাম্যপূর্ণ ন্যায়বিচাৰ প্রতিষ্ঠাৰ বাবেই শক্তি প্রয়োগৰ অনুমতি দিয়ে।

গ. ঐতিহাসিক "ডি ল্যাচি ওলেৰী"ৰ মন্তব্যঃ

বিশ্ববৰণ্য ঐতিহাসিক ডি ল্যাচি ওলেৰী’ৰ লিখিত “ইছলাম আট দা ক্রছ ৰোড” গ্রন্থৰ অষ্টম পৃষ্ঠাত তেখেতে মন্তব্য কৰিছে-

“তৰোৱালৰ দ্বাৰা যে ইছলাম প্রসাৰিত হৈছে” এই ভ্রান্ত ধাৰণাত যিসকল নিমজ্জিত-সিহঁতৰ বাবে অৱশেষত ইতিহাসেই এই কথা অত্যন্ত স্পষ্টভাবে প্রমাণ কৰিলে যে, ধর্মান্ধ মুছলমানসকলৰ কাহিনী হ'ল পৃথিবীৰ এক প্রান্ত লৈকে সিহঁতে সাৰিব(চাফা কৰিব) ধৰিছে আৰু বিজিত জাতিসমূহক তৰোৱালৰ অগ্রভাগত ৰাখি ইছলাম গ্রহণত বাধ্য কৰাইছে- ''এই কথাটো এটি কল্পনা প্রসূত, উদ্ভট ও অবাস্তৱ কাহিনী- যি ঐতিহাসিকসকলে খুবেই বেছি পুনৰাবৃত্তি কৰিছে”।

ঘ. মুছলমানসকলে আঠ'শ বছৰ স্পেন শাসন কৰিছেঃ

প্রায় আঠ’শ বছৰ স্পেন শাসন কৰিছে মুছলমানসকলে। য'ত মানুহক ‘তৰোৱালৰ শক্তি প্রয়োগ কৰি ধর্মান্তৰিত কৰিছে’ -এনে কথা চৰম শত্রুও ক'বলৈ লাজ পাব। আৰু খ্রীষ্টান ক্রুছেডাৰসকলে স্পেনত আহি সেই মুছলমানসকলকেই নিশ্চিহ্ন কৰি দিছে। অৱশেষত এনেকুৱা এজন মুছলমান স্পেইনত নাছিল যিয়ে তাৰ নামাজৰ বাবে প্রকাশ্য আযান দিব পাৰিছিল।

ঙ. ১৪ মিলিয়ন আৰব মিচনেৰী খ্রীষ্টানঃ

সমগ্র আৰব ভুখন্ডত এক হাজাৰ চাৰিশ(১৪০০) বছৰ মুছলমান সকলেই আছিল মালিক, মনিক, শাসক। ইয়াৰ মাজত সামান্য কিছু বছৰ ব্রিটিচ আৰু কিছু বছৰ ফৰাছীসকলে দখল দায়িত্ব কৰিছিল। সর্বোপৰি মুছলমান সকলে যদি তৰোৱালৰ ব্যৱহাৰ কৰিলেহেঁতেন তেতিয়াহ'লে এজন খ্রীষ্টানও কি তাত এতিয়া বিচাৰি পোৱাৰ কথা ?

চ. ভাৰতত ৮০%তকৈও বেছি অমুছলিমঃ(Census-2001­ৰ মতে)

মুছলমান সকলে ভাৰত শাসন কৰিছে প্রায় আঠশ বছৰ। যদি সিহঁতে বিচাৰিলেহেঁতেন তেতিয়াহ'লে সিহঁতৰ সেই ৰাজ-শক্তি ও ক্ষমতাৰ বল প্রয়োগ কৰি ভাৰতৰ প্রতিজন অমুছলিমক ধর্মান্তৰিত কৰি ল'ব পাৰিলাহেঁতেন। অথচ শতকৰা প্রায় আশি ভাগ অমুছলিম আজিও ভাৰততেই আছে। সিহঁতৰ প্রতিজন অমুছলিম আজি সুস্পষ্ট সাক্ষী বহন কৰি আছে যে, “ইছলাম তৰোৱালৰ সাহায্যত প্রসাৰিত হোৱা নাই।”

ছ. ইন্দোনেচিয়া ও মালয়েচিয়াঃ

ইন্দোনেচিয়া এটা দেশ, পৃথিবীর সর্বোচ্চ-সংখ্যক মুছলমান য'ত বাস কৰি আছে। মালয়েচিয়াত জনসংখ্যাৰ অধিকাংশ মুছলমান। কোনাবা এজনে প্রশ্ন কৰিব পাৰে, কোন মুছলিম সেনাবাহিনী ইন্দোনেচিয়া ও মালয়েচিয়াত গৈছিল?

জ. আফ্রিকাৰ পূর্বপ্রান্তঃ

একেই ভাবে ইছলাম অত্যন্ত দ্রুততাৰ লগত আফ্রিকাৰ পূর্বতীত বিকাশ লাভ কৰে। কোনোবা এজনে আকৌ প্রশ্ন কৰিব পাৰে, ইছলাম যদি তৰোৱালৰ অগ্রভাগ দিয়েই প্রসাৰিত হৈ থাকে তেতিয়াহ'লে আফ্রিকাৰ পূর্বতীত কোন মুছলিম বাহিনীয়ে তৰোৱাল লৈ গৈছিল?

ঝ. 'থমাচ কাৰলাইল' বিশ্ববৰেণ্য ঐতিহাসিকঃ

'থমাচ কাৰলাই'লে তাৰ ৰচনা ‘হিৰোয এন্ড হিৰো ওৰশ্বিপ’ গ্রন্থত ইছলামৰ বিকশিত হোৱা লৈ ভ্রান্ত ধাৰণা, সেই প্রসঙ্গত কোৱা হৈছে-

“তৰোৱাল, কিন্তু ক'ত পাবা তুমি তোমাৰ তৰোৱাল? প্রত্যকটো নতুন ‘মত’ তাৰ আৰম্ভনীতে সুস্পষ্ট ভাৱে নির্দিষ্ট হয়-এজনৰ সংখ্যালঘুত্বত। মাত্র এজন মানুহৰ মূৰত। তাতেই সি থাকে। গোটেই পৃথিৱীৰ এজন মাত্র মানুহ সেইটো বিশ্বাস কৰে, অর্থাৎ সকলো মানুহৰ বিপক্ষে মাত্র এজন মানুহ। এখন তৰোৱাল সি নিলে আৰু সেইটো দি (তাৰ চিন্তা) প্রচাৰ কৰিবলৈ চেষ্টা কৰিলে। তাত তাৰ কোনো কাম হ'ব কি? তোমাৰ তৰোৱাল তুমিয়েই খুঁজি ল'ব লাগিব! মুঠতে কথা- এটা বস্তু নিজে নিজেই প্রচাৰিত হ'ব যেনেকৈ তাৰ ক্ষমতা আছে।”

ঞ. ধর্মলৈ কোনো জবৰদস্তী নাইঃ

কোন তৰোৱাল লৈ ইছলাম বিকশিত হৈছে? আনকি সেই তৰোৱাল যদি মুছলমান সকলৰ হাতত থাকিলেওহয় তেতিয়াহঁলেও সিহঁতে সেইটো ইছলাম প্রচাৰৰ বাবে ব্যৱহাৰ কৰিব নোৱাৰিলে হয় কাৰণ সিহঁতৰ হৃদয় স্পন্দন আল কুৰআনে কৈছেঃ

ধর্ম লৈ কোনো জবৰদস্তি নাই। সকলো ভ্রান্তি-বিভ্রান্তি ও ভ্রষ্টতাৰ পৰা সৰল-শুদ্ধ সত্য-পথ স্পষ্ট কৰি দিয়া আছে।(২ঃ২৫৬)

ট. জ্ঞান ও প্রজ্ঞাৰ তৰোৱালঃ

সেইটো আছিল চেতনা ও জ্ঞানৰ তৰোৱাল, যি তৰোৱালে মানুহৰ হৃদয় ও মন অন্তৰক জয় কৰিছে। জ্যোতীর্ময় কুৰআনৰ ছূৰা নাহলত কোৱা হৈছেঃ

আহ্বান কৰা সকলোকে তোমাৰ বিধাতা প্রতিপালকৰ পথত-পান্ডিত্যপূর্ণ সুন্দৰতম বাগ্মীতাৰ লগত। আৰু যুক্তি প্রমাণ দি আলোচনা কৰোতাসকলৰ লগত এনেকৈ, যি সর্বোত্তম(আৰু সেই আহ্বান হ'ব লাগিব এনেকোৱা হৃদ্যতাপূর্ণ যাতে কোনো পাষাণহৃদয়ৰ ওচৰতো সেইটো গ্রহণযোগ্য হয়)। (১৬:১২৫)

ঠ. ১৯৩৪ চনৰ পৰা ১৯৮৪ লৈ পৃথিৱীত ধর্ম বর্ধিষ্ণুতাঃ

১৯৮৬ চনৰ ৰীডাৰ্চ ডাইজেস্টেৰ ‘এলমানাক’ সংখ্যাৰ এটি তথ্য সমৃদ্ধ প্রবন্ধত- পূর্বৰ অর্ধ শতাব্দীত প্রধান প্রধান ধর্মসমূহৰ বর্ধিষ্ণুতাৰ হাৰ সম্পর্কে এটি পৰিসংখ্যা দিয়া হৈছে। প্রবন্ধটো “প্লেইন ট্রুথ” মাগ্যাজিনটো প্রকাশিত হয়। সর্বোচ্চ পর্যায়ত আছে ইছলাম- যি বাঢিছে ২৩৫% হাৰত। ইয়াত এজনে প্রশ্ন কৰিব পাৰে, কোন যুদ্ধ অৱস্থান লৈছিল এই শতাব্দীত যি কোটি কোটি মানুহক ধর্মান্তৰীত কৰি মুছলমান বনাইছিল?

ঢ. আমেৰিকা ও ইউৰোপত ‘ইছলাম’ দ্রুততম বর্ধিষ্ণু ধর্মঃ

আজিৰ দিনত আমেৰিকাত দ্রুততম বর্ধিষ্ণু ধর্ম ‘ইছলাম’। মুছলমানৰ সংখ্যা দ্রুত গতিত বাঢ়িয়েই আছে ইউৰোপতো। শক্তি ও বিকশিত সভ্যতাৰ অহংকাৰত দীঘল দি থকা পাশ্চাত্য সভ্যতাৰ এই সকলো সু-সভ্য মানুহক ইমান বিৰাট সংখ্যাত ইছলাম গ্রহণ কৰাবলৈ কোনে তৰোৱালেৰে বাধ্য কৰাইছে?

ড. ডক্টৰ জোচেফ এডাম পিয়াৰচনঃ

ডক্টৰ জোচেফ এডাম পিয়াৰচন যথার্থই কৈছে, যিসকলে আশঙ্কা কৰিছে আনবিক বোমা কোনো এদিন আৰবসকলৰ হাতত আহি পৰিব। সিহঁতে উপলদ্ধি কৰিবলৈ ব্যর্থ হৈছে যে, ইছলামী বোমা ইতিমধ্যেই পেলাই দিয়া হৈছে, এইটো পৰিছে সেইদিনা যিদিনা মুহাম্মদ(ছাঃ) জন্ম লৈছে।